Câmara de Comércio e Indústria de Timor Leste, Chamber of Commerce and Industry of Timor-Leste, Kamar Dagang dan Industri Timor-Leste, Kámara Komérsiu no Indústria Timor-Leste.
LOGIN ADMIN / OPERATOR
PRESIDENTE CCI-TL
CCI-TL serbisu hamutuk ho Federal Insurance Timor-Leste (FIT) socializa produtu asuransi no ninia benefisiu ba komunidade emprezarial sira.
Written by : merita - Area :

11 September 2017 - 16:16:04 OTL

ACAIT -  Loron Segunda-Feira, 11 de Setembro 2017, iha Plaza Timor, Bairo dos Grillos, Kamara Komersiu no Industria Timor-Leste (CCI-TL) serbisu hamutuk ho Federal Insurance Timor-Leste (FIT) sosializa ba membru CCI-TL sira konaba  benefisiu uza serbisu seguru/asuransi hodi ajuda sira ninia empreza ka kompania uainhira hasoru situasaun risku ka  dezastre ruma iha sira nia negosiu.

Presidente CCI-TL Sr. Oscar Lima iha ninia diskursu abertura  realsa katak prezensa Kompania Seguru, FEDERAL INSURANCE TIMOR-LESTE (FIT) ne'e importante tebes hodi asegura empreza/kompania sira nebe mak agora ne'e dadauk halo operasaun negosiu iha Timor-leste mesmu nune'e Ita hare katak, kapasidade setor privadu rai laran ninia nesesidade hodi uza serbisu Asuransi/Seguru sei minimu no ki'ik liu maske nune'e komesa ona iha kompania/empreza balun nebe hatudu dadauk ona nesesidade bo'ot hodi uza serbisu asuransi/seguru nian tamba ne'e CCI-TL senti iha nesesidade bo'ot tebes ho nune serbisu hamutuk ho Kompania FIT hodi halo sosializasaun baze setor emprezarial sira konaba Serbisu no Produtu Asuransi/Seguru nian. 

Serbisu no Produto Asuransi nebe mak Kompania FIT oferese ne diak tebes tamba bele fo garantia ba setor privadu sira, karik hasoru problema ruma iha kompania laran mak asuransi sei responsabiliza.

Tuir planu Kompania FIT sei realiza mos sorumutu ho Governu hodi aprezenta mos ninia produto konaba oinsa fo Asuransi ba Kompania sira nebe mak kaer projetu governu nian, tamba asuransi buat ida nebe importante tebes ba  mos emprezariu kontrator sira, no laiha asuransi karik iha asidente ruma konaba kompania kontrator  ka traballador nian ruma maka nain ba kompania (Owner)  tenke toma responsabilidade ba asidente ne'e no kompania ne'e rasik bele monu ba risku bot.

Vice Presidente CCI-TL Asuntu Investimentu, Sra. Kathleen Goncalves hateten  katak Kompania Seguru "Federal Insurance Timor-Leste"  estabelese ona iha Timor-Leste besik tinan rua, no programa sosializasaun ida ne'e importante tebes tamba ita iha ona Kompania Seguro/Asuransi nebe bele fo'o ona asistensia ba Ita nia Kompania ka negosiu eskala ki'ik sira nebe hasoru risku bot uainhira dezenvolve sira nia negosiu no serbisu seguro ne'e importante mos atu ajuda ita nia empreza sira uinhira hasoru dezastre ruma hanesan rai nakdoko nebe kauza danos materiais hanesan uma aat, ou hasoru asidente hanesan kareta baku -fila halo ema ruma mate ne'e mak importante ba Kompania Seguru hodi halo kobertura.

VOTING
se mak bele sai presidenti CCI-TL Periodu tuir mai?
Sr. Oscar Lima
Sr. Julio Alfaro
Eng. Joao B. F. Alves
Eng. Rui Manuel de Castro
Sra. Claricia Lay

Resultado Poll
REUNIAUN INTERNAL
ESTATISTIKA VIZITOR
  • Browser :
  • OS : Unknown Platform
  • Visited as many : 12408 times