Câmara de Comércio e Indústria de Timor Leste, Chamber of Commerce and Industry of Timor-Leste, Kamar Dagang dan Industri Timor-Leste, Kámara Komérsiu no Indústria Timor-Leste.
LOGIN ADMIN / OPERATOR
PRESIDENTE CCI-TL
CCI-TL konvida BNU socializa Kartaun VISA Debitu no Kreditu ba Komunidade emprezarial
Written by : - Area :

07 Agustus 2017 - 09:00:33 OTL

ACAIT - Iha loron Sexta-Feira, 04 Agostus 2017, Kamara Komersiu no Industria Timor-Leste (CCI-TL) konvida Banco Nacional Ultramarino (BNU) halo sosializasaun Kartaun VISA Debitu no Kreditu ba Estrutura CCI no Komunidade emprezarial sira iha edifisiu ACAIT.

Iha ninia diskursu abertura, Presidente CCI-TL, Sr. Oscar Lima hato'o agradesimentu ba BNU ninia inisiativa ida ne'e no esklarese katak, projetu serbisu bankariu nebe mak BNU kria ne'e marka pasu ida importante tebes iha Timor-Leste  ninia prosesu ba dezenvolvimentu no Sistema bankariu ne sei fasilita ita nia Setor Privadu sira tanba ho Kartaun VISA debitu no kreditu sei ajuda ita nia sidadaun sira no mos  ita nia emprezariu sira atu uza deit kartaun no la presiza lori osan iha bolsu, mala ka tau osan barak iha karteira no seguro liu atu uza deit Kartaun uainhira halao atividade ka halo viajen ba estranjeiru. Nia fo hanoin mos katak, uza kartaun kreditu ne tenke ho responsabilidade no kuidadu ho risku uainhira uza kartaun ne ba fins sira nebe la tuir norma nian mak sei prejudika ita nia moris no ita nia atividade negosiu.

Iha oportunidade ida ne'e, Diretur BNU - Grupo Caixa Geral de Deposito iha Timor-Leste, Sr.Fernando Torrao Alves realsa katak Timor Leste  nudar Nasaun ida nebe iha hela prosesu ba desenvolvemento no BNU mak primeiru Banku ezisti iha Timor Leste desde 1912 iha tempu kolonializmu portugues nian no ohin loron, BNU mak primeiru Banku iha Timor-Leste hodi introduz Kartaun VISA debitu no kredito atu nune'e bele fasilita timor oan sira hotu.  Diretur Torrao Alves salienta liu tan katak, Sistema ida ne'e kria tamba povu timor fo ona konfiasa ba BNU, no ami nia dever mak liu husi serbisu bankariu BNU nian sei fasilita sidadaun sira nia moris, atividade negosiu no nesesidade serbisu iha nasaun ida ne'e nian.  Nia hatutan tan katak, BNU mos halo ona Akordu ho Banku BCA iha Indonesia hodi liga ba Sistema kartaun VISA debitu no kreditu nian.

Iha oportunidae hanesan, Kordenador Komersial Banku BNU, Sr. Jacinto Noronha esplika katak,  BNU iha planu  atu fornse uluk Kartaun VISA tipu rua mak hanesan, Debitu no Kreditu. nia esklarese katak, Kartaun VISA Debitu (VISA Debit Card)  hanesan kartaun ida nebe funsiona hodi movimenta osan  no bele uza ba kompra no transferensia  iha rai laran no mos iha estranjeiru ou ka Ita bele hatete katak,  kartaun de Debitu (Visa Debit Card)  ne mos bele funsiona iha fatin 2 mak hanesan funsiona iha Timor leste Rasik no iha Estranjeiru.

Sr. Jacinto hakarak esplika liu tan katak, Kartaun VISA ne aplika iha mundo tomak. no  importante mak Instituisaun Bankaria sira loke asesu kreditu ba Ita nia emprezariu sira no ho Sistema Kartaun de Kreditu nebe mak BNU kria  bele kontribui hodi  flexibiliza Rekezitus Banku nian no hamenus risku, ho jurus ida nebe mak ki'ik hodi insentiva Ita nia Pekenas no Media Empreza sira asesu ba kreditu iha Instituisaun Bankaria.

Enkontru sosializasaun konaba Kartaun VISA debitu no kreditu ne'e  hahu tuku sia dader to'o  remata, no abertura husi Presidente CCI-TL, Sr. Oscar Lima, konta ho partisipasau husi CCI nia estrutura nacional no munisipiu sira no mos hetan partisipasaun masimu husi Komunidade Emprezarial sira nebe mak sediadu iha kapital Dili.

VOTING
se mak bele sai presidenti CCI-TL Periodu tuir mai?
Sr. Oscar Lima
Sr. Julio Alfaro
Eng. Joao B. F. Alves
Eng. Rui Manuel de Castro
Sra. Claricia Lay

Resultado Poll
REUNIAUN INTERNAL
ESTATISTIKA VIZITOR
  • Browser :
  • OS : Unknown Platform
  • Visited as many : 12364 times