Câmara de Comércio e Indústria de Timor Leste, Chamber of Commerce and Industry of Timor-Leste, Kamar Dagang dan Industri Timor-Leste, Kámara Komérsiu no Indústria Timor-Leste.
LOGIN ADMIN / OPERATOR
PRESIDENTE CCI-TL
Banco Central hamutuk ho CCI-TL socializa Sistema Garantia de Kreditu ba Pekenas no Mediu Emprezas (PME's)
Written by : Merita - Area :

28 Juli 2017 - 15:45:36 OTL

ACAIT - Iha loron Sexta-Feira, 28 Jullu 2017, Camara Comercio no Industria Timor-Leste (CCI-TL) kopera hamutuk ho Banco Central Timor-Leste (BCTL) organiza Workshop Nasional hodi Introduz Sistema Garantia de Kreditu ba Dezenvolvimentu Emprezarial nebe realiza iha Hotel Novo Turismo.

Iha oportunidade ida ne'e, Governador Banco Central Timor-Leste, Sr. Abrao Vasconcelos realsa katak, VI Governo aprova ona Sistema Garantia de Kreditu hodi apoiu Ita nia Mediu no Pekenas Empreza sira (MPE) iha rai laran, no Sistema ida ne'e sei regula liu husi Banco Central ho ida ne'e mak Banco Central prepara ona Esbosu Regulamentu ida sobre Regra Jeral ba Regime Garantia de Kreditu ba Dezenvolvimentu Emprezarial hodi permiti Banco Central bele implementa kualker Esquema de Garantia ho efetivu no ho flexibilidade. Nia hatutan tan katak, antes dezenha Esquema ida ne'e, Banco Central mos halo ona konsultasaun ho Instituisaun Bankaria sira hotu iha rai laran inklui mos Camara Comercio no Industria Timor-Leste (CCI-TL).

Iha fatin hanesan, Presidente CCI-TL, Sr. Oscar Lima hateten katak, Esquema Garantia de Kreditu ida ne'e importante tebes atu nune bele ajuda Instituisaun Bankaria sira loke asesu de kreditu ba Ita nia emprezariu sira no nia mos kontente tebes katak, ho Sistema Garantia de Kreditu ida ne'e flexibiliza mos Rekezitus Banku sira nian no hamenus risku, ho jurus ida nebe mak ki'ik hodi ajuda mos Ita nia Pekenas no Media Empreza sira asesu ba Kreditu.

Vice Presidente CCI-TL asuntu Instituisaun Finanseira, Eng. Rui Manuel de Castro hateten katak, desde uluk CCI-TL luta ba hadia Emprezas Ki'ik no Mediu sira nia moris liu husi hasae sira nia Skill iha jestaun negosiu no asesu ba apoiu finanseiru no ho Sistema de Garantia de Kreditu ida ne'e konserteja sei dezenvolve diak liu tan Ita nia Setor Privadu Nasional no SGC mos  nu'udar  instrumentu importante ida  ba dezenvolvimentu ekonomiku no feramenta justica social.

Workshop ida ne'e hahu husi tuku sia dader to'o tuku ida lokoraik no loke husi S.E. Ministro do Estadu Kordenador Asuntus Ekonomikus, Eng. Estanislau A. da Silva no partisipa husi membru Governu, Sociadade Civil, Reprezentantes diplomatiku no Emprezariu Pekena no Mediu nasional no internasional sira.



VOTING
se mak bele sai presidenti CCI-TL Periodu tuir mai?
Sr. Oscar Lima
Sr. Julio Alfaro
Eng. Joao B. F. Alves
Eng. Rui Manuel de Castro
Sra. Claricia Lay

Resultado Poll
REUNIAUN INTERNAL
ESTATISTIKA VIZITOR
  • Browser :
  • OS : Unknown Platform
  • Visited as many : 5953 times