Câmara de Comércio e Indústria de Timor Leste, Chamber of Commerce and Industry of Timor-Leste, Kamar Dagang dan Industri Timor-Leste, Kámara Komérsiu no Indústria Timor-Leste.
LOGIN ADMIN / OPERATOR
PRESIDENTE CCI-TL
Lia menon husi Presidenti CCI-TL
Written by : salis - Area :

13 Juni 2017 - 10:21:15 OTL

Mensajen husi Exelentísimu, Sr. Oscar Lima

Presidente CCI-TL,

Saudasoens ba maluk sira hotu,

Molok hari’i  CCI-TL, Setor Privadu namkari ketak-ketak no laiha mahon ida atu reprezenta emprezáriu no negósiu nain sira iha Timor-Leste. Maioria aktividade ekonomia depende deit ba projetu Governu no investimentu públiku atu sustenta dezenvolvimentu nasional.  Alemde ne’e, setor emprezarial no negósiu kí’ik sira hasoru obstákulu barak no dezafiu oi-oin hanesan frakeza iha nível  abilidade no koniesimentu, laiha asesu ba kapital  finanseiru, falta infra-estrutura legal hanesan Lei ba Rai no propriedade no hasoru mos problema seluk hanesan, falta Infra-estrutura fíziku, Airoportu, Porto, Eletrisidade no rekursus sira seluk nebe importante tebes atu fo apoiu ba kresimentu negósiu nian. Maibe somente, reseita sira mai husi Mina no Gas  iha tasi Timor (Timor Gap) maka sai hanesan fonte finanseiru  prinsipal ba Timor-Leste. 

Uainhira hari’i iha 17 Abril 2010, CCI-TL foka liu ninia objetivu ba prioridade tólu mak hanesan:

Primeiru, konsolidasaun institusional, ho kriasaun CCI iha distritu (munisípius) sira hotu, segundu,  hadia jestaun organizasaun iha nível nasional to’o iha distritu sira, no terseiru, reforsa reprezentasaun CCI-TL iha área Advokasia no kria Portfóliu Serbisu apoiu ba negósiu iha Kámara Komérsiu hodi responde ba nesesidade membru sira nian.

CCI-TL nia misaun bazeia ba Rezolusaun Governu Timor-Leste no. 17/2012, nebe rekoniese ona CCI-TL mak hanesan parseiru estratéjiku Governu nian ba dezenvolvimentu nasional no úniku interlokutor privilejiadu ba Setor Privadu iha Timor-Leste.

CCI-TL nia planu ba oin mak hakarak konkretiza  ninia mehi atu hasae kapasitasaun emprezáriu no negosiu ki’ik sira, dudu kresimentu ekonomia no serbisu hamutuk ho Governu hodi alkansa objetivu iha Planu Estratéjiku Dezenvolvimentu (PED), hodi  transforma Timor-Leste husi nasaun ida rendimentu ki’ik ba médiu alto to’o 2030.

Iha Mundu globalizasaun nebe liga ba sistema teknolojia no informasaun,  CCI-TL hakarak oferese website ida ne’e hanesan meius ida hodi fasilita komunikasaun no fornese informasaun ba ema nebe deit mak presiza, prinsipalmente iha mundu negósiu no liu-liu ba investidores sira nebe mak hakarak atu inísia sira nia operasaun negósiu iha Timor-Leste no mos ba sira nebe mak hakarak buka informasaun hodi habelar rede no parseria  hodi habo’ot liu tan sira nia negósiu.

Ami nia esperansa katak, ho website ida ne’e sei maksimiza poténsia sira nebe mak setor privadu iha atu nune bele kontribui ho maksimal ba dezenvolvimentu ekonomia iha Ita nia rai doben, Timor-Leste.

Bem-hajam,

 

VOTING
se mak bele sai presidenti CCI-TL Periodu tuir mai?
Sr. Oscar Lima
Sr. Julio Alfaro
Eng. Joao B. F. Alves
Eng. Rui Manuel de Castro
Sra. Claricia Lay

Resultado Poll
REUNIAUN INTERNAL
ESTATISTIKA VIZITOR
  • Browser :
  • OS : Unknown Platform
  • Visited as many : 12423 times