Kona-ba CCI-TL

Câmara de Comércio no Indústria de Timor Leste (CCI-TL) hari’i iha loron 17 fulan Abril 2010 ho nia objetivu atu sai hanesan Organizasaun ida mahon ba emprezáriu sira hotu iha Timor Leste.

CCI-TL hanesan Parseiru Konstrutivu ba Governu, konsege realiza ho sucesu nia misaun hodi fo apoiu ba Governu iha area dezenvolvimentu ekonómiku. Ho  nune’e mak liu husi Rezolusaun Governo númeru 17/12, Governo Timor-Leste  rekoenese ofisialmente CCI-TL nudar Parseiru Estratejiku Governu Timor-Leste nian ba Dezenvolvimentu ekonomiku no Interlokutor Previléjiadu reprezenta Seitor Privadu hotu2 iha Timor-Leste.

Câmara de Comércio e Indústria Timor-Lese (CCI-TL) hanesan parseiru estratéjiku governu Timor-Leste nian ne’ebé mak fó advokasia ba governu, no ba administrasaun lokál, reprezenta membru no seitór empreza privadu sira nia lian. CCI-TL mós fornese asisténsia no treinamentu ba nia membru sira hotu.

CCI-TL governa husi Konsellu Ezekutivu ne’ebé mak eleitu kada tinan haat. CCI-TL mós iha ekipa téknika ne’ebé Diretór Ezekutivu mak lidera.

 

Asisténsia ba Membru Sira:

Treinamentu espesífiku husi espesialista ba ita bo’ot nia staff.

Hetan konvite hodi partisipa iha forum membru sira nian ho espesialista sira.

Informasaun kona-ba tenderizasaun no negósiu/dezenvolvimentu ekonómiku no polítika.

Apoiu, advokasia no konsellu ba problema emprezariál.

Reprezentativu iha kada munisípiu.

Konsulta ho membru sira hodi deskobre saida mak ita bo’ot hanoin no halo advokasia hodi ita bo’ot na naran.

levanta problema emprezariál nian ne’ebé iha relasaun ho governu no administrasaun lokál.

Hetan fasilidadi no diskontu iha despeza negósiu nian balu.

Hetan treinamentu no konsellu kona-ba alterasaun klimátika.

Oportunidadi hodi estabelese ligasaun hodi haburas ita bo’ot nia negósiu.

 

Chat With Us